Drejtor Menaxhues

Mercurius Consulting është kompani e specializuar në fushën e rekrutimit dhe përzgjedhjes së stafit. Për zhvillimin e veprimtarisë së klientit tonë në Industrinë e Qendrave Tregtare, jemi në kërkim të kandidatëve ambicioz për pozitën Drejtor Menaxhues, i cili do të përfaqësojë biznesin dhe do te jetë përgjegjës i të gjitha veprimeve ekonomike të përditshme të qendrës. 

PËRGJEGJËSITË:

• Kandidati ideal për këtë pozitë duhet të ketë përvojë të dëshmuar në menaxhimin e biznesit, në cilësinë e Drejtorit.
• Të udhëheqë qendrën tregtare dhe marketin, duke menaxhuar eproret e secilit sektorë apo njësi.
• Të monitorojë sektorin e shitjes dhe marketingut për brendet që kompania ka ekskluzivitet për Kosovë.
• Të zhvillojë strategjinë për zgjerimin e veprimtarisë së biznesit, duke krijuar një ekip dhe bashkëpunëtorë të fuqishëm.
• Të negocojë dhe lidhë kontrata të shitjes me bashkëpunëtorë potencial.
• Të ndihmojë në rekrutimin e stafit të ri, të mbikëqyrë punën e menaxhmentit dhe të bëjë vlerësimin e performancës.
• Të punojë ngushtë me vijën e parë të shitjes për të kuptuar nevojat e klientëve të tyre, duke analizuar konkurrencën në treg.
• Të përgatisë raportet mujore dhe vjetore për menaxhmentin e lartë dhe aksionarët e kompanisë. 

KËRKESAT dhe AFTËSITË:

• Diplomë universitare në ekonomik, administrim biznesi apo ekuivalente.
• Minimum 7 vite përvojë pune pozita udhëheqëse menaxheriale.
• Përvojë pune në industrinë e marketeve apo shitjes me pakicë.
• Aftësi për të zhvilluar marrëdhënie bashkëpunuese brenda kompanisë, me klientë dhe partnerë.
• Aftësi të mira të komunikimit verbal dhe të shkruar në gjuhën shqipe dhe angleze.
• Aftësi të fuqishme për të organizuar në mënyrë efektive, për të deleguar përgjegjësinë dhe për të zgjidhur problemet në mënyrë të shpejtë dhe efikase.
• Aftësi të lidershipit në marrjen e vendimeve, duke përfshirë menaxhimin e kohës në mënyrë efektive.

OFERTA:

• Pagë atraktive.
• Pagesë në bazë të performancës (bonuse).
• Automjet të kompanisë.
• Kompensim i shpenzimeve të telefonit.
• Sigurim shëndetësor.
• Mundësi për të krijuar një ekip fantastik rreth tij.
• Mundësi për të punuar në një kompani me traditë të madhe dhe brende ekskluzive. 

APLIKIMI:

Të gjithë Ju që i posedoni aftësitë dhe kualifikimet e kërkuara më sipër, si dhe dëshironi të bëheni pjesë e ekipit të klientit, jeni të mirëseardhur të aplikoni deri më datën 22.04.2022. Kandidatët që përzgjedhen për listën e ngushtë do të ftohen në intervistë.